مبدعينً موقع a7tajk.

يادموع ٍ ترجمة ماكان بالقلب الحزين
إيتحدّر دمع عيني كأن وَجني دفتره

ما إجتمع دمعي بعيني إلا من شوق وحنين
الفكر تايه وشعري والحروف مبعثره

لاسِلَمت الهم جاني من يسار ومن يمين
كأن بيني وبين همّي ثأر مِشهِر خنجره

حتى ضحكي بالمجامل وأنا لي جرح ٍ مكين
كل موقف في حياتي لا نسيته يذكره

واعذابي من سنين ٍعشت في لوعه وأنين
دمع يتحدّر بغبن وفضل ربي يستره

ضاعت الحيله ولا عادت بفكر ولايدين
والمشاعر الأسيره في زمان الثرثره

صاحب النفس الضعيفه لاضميرٍ له ودين
المكيده من رصيده وأسأل الله يهدره

جاء لخييّ شي مايرضاه كُفر ومسلمين
(شر)بحر الحب يغدر والبواخر مبحره

يطعن بديني ودينه وطعنته صعب ٍ تبين
لأن شره خان قلبه وخان دينه ومنبره

يقذف الشر بطريقي من سوى الجمر الدفين
وأتركه لله وحده علّ وقته يخبره

عِشت ساعات ودقايق بين مظنون وظنين
الحذر فيني طبيعه كل يوم أستنفره

حيلتي في وحدتي منديل ودموع ٍ وعين
تشكي الطرف السهير وقلبي إللي أسهره

يالله ياربي تراني منخلق من كوم طين
خاطري حِس ومشاعر لا إنكسر من يجبره

حسبي الله يازماني والليالي والسنين
قلبي أصبح من عذاب الوقت لحد ومقبره

ولكم أطيب وأرق تحية

عادل الأحمري ( بوح القصيد )ـ