وجهة تغشى ربيعه الذبول
وضلوع من حرات الزمان غدت أضعاف
تمرد فيني همٍ هقوتي عني ما يزول
وقلوب من غبن الزمن ناحت اعروقه واضحت ارهاف
عارم هدره هالحزن وسيله بموقي كالسم الزعاف
وجفه في حلقي غصات الوجع اخنقتني واقطعت الانفاس
غطاني الألم و وفاه الكدر يوم اضحى لي الحاف
مابيه صبح علي يشرق بضيقن ويستميحه النمو ولا يخاف
ولا انتخيه ليل يهدق على ورقي ويستبيحه هادي السكون
أهادي الدمعة وأجاري الحرقة وأباري رجفة خفوق منصاب
أنا كمن ميت .. ماابيها شمس على تطل ولا من غابت مارتجيها بظل
تنحى عني الفرح .. ولبى مطلبى الاسى ..واقفى السرور وشرق وغرب
وانسدل في حياتي ظلامن دامس يوحش بالحنايا
وغفت عيني معانقها غم وسجيت في حلم فيه من العلم الكثير
كني على متن الغمام همال الهموم توسطت كبد السمااا تروج بي الظنون وتغور
تمنيتها الشمس تحرقني
تلف بغيمتي وتفنيني ..
وعن العالم تمحيني ..
سناها كسر عيني ..
اقتربنا ..
واقتربنا ..
لا الشمس ماهي شمس من نورها غار السحاب كلها شوق وحنان ..
لبت مطلبي ووفت برغبتي ومدت اخيوطها وعانقتني ..
حزتها فاقت غفوتي وارتعش لها الخفوقي ..
وتباهت في موقي بالسطوع ..
وتناجت بالخضوع ..
فيصل أنت بالعلم والحلم غدا علم ..
أقبلت شمس الغلا ..
أقبلت شمس الغلا ..
في ضياها سلسبيل يروي ظمى السنين ..
حرها الحنين يدفي خريفي المستكين ..
عمري أنولد بشروقها وذاب في دفا اعروقها ..
تاه الفيصل في ضيها الحنون ..
وحلق في محاضنها بالغرام المروم ..
وعانق جيدها بالوفا واستظل باظلالها واستكان ..
قالت فيصل :
اخيوط الذهب لنصلك رهنك والهيام ..
وسراجي الوقاد قيدك المستهام ..
ابخلق لك من شمسي شموس غلا وعطا ..
وابنحت لك من وهج موقي رضا ..
وابضوي مداهيل اعروقك يالسقا ..
ابشعل بين اهدابك زهرة نورها شمس الغلا ..
اصبحت طريد الشمس وأنا بظلالها مانلام ..
تعيش فيني سنا وأعيش فيها وهج ..
من هواها ملني قلبي وشوقي لقربها شد الرحال ..
لا جل الشمس ابحرق معاند الظروف ..
لها خفوق من الوجد لاجاج ..
شمس مالها بالزوال ودايم الدوم قادة ..
كلن ينتظر لحظة الشروق في صباحه ..
إلا أنا شروقها غادي فيني صبح ومساء ..
اظلالها لو هي بعيده تحتويني توفيني تسليني ..
سلت سيوف العشق وفي حضورها نسحب غلا العالم ..
بعيدة عني والمسافات يذبحني وهجها ..
خطبها ودي وعشقها موقي وكل فوقي ..
يالشمس أنا لك خطاب ولأبوك طلاب ..
خذيني بعثريني بضياك تراني مابيني ..
أحبك يالشمس ..
واشوفك كوني ..
حلمي الساهر ..
طرفي الساهي ..
أحبك يالشمس ..
أعشقك يالشمس ..
وأنا بدوي في عشقي ..
مااحد يظاهيه ..
طاغي على وصوفي ..
وقلب بحناياك يتغشاه ..
ياشمس بالله عجلي بالشعاع في ديرة سمايه ..
( فيصل والشمس )
حكاية وفا مروية ..
تناهيد الشمس
فيصل أنا شمس لكني بناري محروقه ..
انا شمس لكن بوجوم الدهر موجوعه ..
أنا شمس العطا لكني محرومه ..
أنا شمس لكن من لوصوفك مفجوعه ..
يافيصل : أنت ومالغيرك ارتعد الخفوق .. لكني لغيرك مكتوبة ..
يافيصل : أنت ومالغيرك انحت الشمس من عرشها وأنت مالكها .. لكنها لغيرك محكومة ..
يافيصل : أنت ومالغيرك انبجس قرص الشمس وصارت لمحياك خضوعه
يافيصل جيتك وكلي عزة بطبوعك .. هديتك نوري ليمن القمر سل جيوشه ..
يافيصل العذب : أنت غايتي .. رجواي قبل لا ينطفي نوري
احتاجك .. اضمك .. ابغفي على صدرك ياعزا صدر تباطاه النوم والراحة ..
أبي تحرقني بعالي أنفاسك ..
أبي تكسر اضلاعي من مروفك ..
أبيك وأبيك وأبيك ..
خلني ذكرى بروازها القلب ..
خلني خافية بين محانيك ..
خلني فيك وان غيري اهتنابك اذكرني بالوفا وعلمهم مني الدفا وذكرهم فيني بالغلا وادعو لي بالرحمة ياكلي خلني وخلني لاتبعدني ان خذوك .. كل رمشة جفن في ابعادك تقتلني ..
تناهيد فيصل
هزتك يافيصل سيوف الهم المرهية ..
ارتعدت يافيصل بالوجوم الردية ..
غشاك البين يافيصل ..
الشمس منالها صعب .. وين العزية
عادت تباريح الأيام لأنها لي وفيّه ..
وماارجهنت عني أبد الحظوظ الردية ..
أقفت السعادة عن محجري ..
وقفت حياتي للمقابر عنية ..
لجت فيني هموم كانت مخفية ..
ليته الحلم ماكان علم ..
وليته العلم ماكان حلم ..
وليتني للشمس وليت الشمس تضوي سماي ..
أنا وفاك يالشمس
ابنتظر رحماك ياربي لا تخيب الهقوات ولك كفوف ماتمل دعاك رجيتك وترجاك الشمس
لاتطول بالمغيب ..
لا تطول بالمغيب ..
لا تطول بالمغيب ..
بقلم
فيصل التميمي
ليست هناك تعليقات:
إرسال تعليق